Archive for the ‘paadalvarigal’ Category

Bheema – Ragasiya Kanavugal Jal Jal

படம்: பீமா
பாடியவர்கள்: மதுஸ்ரீ, ஹரிஹரன்
இசை: ஹாரிஸ் ஜெயராஜ்

பல்லவி
=======

பெ: ரகசிய கனவுகள் ஜல் ஜல்
    என் இமைகளைக் கழுவுது சொல் சொல்
    இளமையில் இளமையில் ஜில் ஜில்
    என் இருதயம் நழுவுது செல் செல்
ஆ: முதல்பிழை போல் மனதினிலே விழுந்தது உனதுருவம்
    ஓ உதடுகளால் உனைப்படிப்பேன் இருந்திடு அரைநிமிடம்
    தொலைவது போல் தொலைவது தான் உலகில் உலகில் புனிதம்
குழு: இறகே இறகே மயிலிறகே வண்ண மயிலிறகே வந்து தொடுஅழகே
     தொடத் தொடக் குழைகிற சுகம் சுகமே
     கண் படப் படப் புதிர்களும் அவிழ்ந்திடுமே (இறகே இறகே)

சரணம்-1
=======

பெ: மறுபடி ஒருமுறை பிறந்தேனே
    விரல்தொடப் புருவமும் சிவந்தேனே
    ஓ.. இல்லாத வார்த்தைக்கும் புரிகின்ற அர்த்தம் நீ
    சொல்லாத இடமெங்கும் சுடுகின்ற முத்தம் நீ
ஆ: சுடும் தனிமையை உணர்கிற மரநிழல் போல எனை சூட
    நரம்புகளோடு குறும்புகள் ஆடும் எழுதிய கணக்கு
    எனதிரு கைகள் தழுவிட நீங்கும் இருதய சுளுக்கு

பெ: ரகசிய கனவுகள்   குழு: ஜல் ஜல்
பெ: என் இமைகளைக் கழுவுது  குழு: சொல் சொல்
பெ: இளமையில் இளமையில்  குழு: ஜில் ஜில்
பெ: என் இருதயம் நழுவுது செல் செல்

சரணம்-2
========

ஆ: உயிரணு முழுவதும் உனைப் பேச உனைப்பேச
    இமை தொழும் நினைவுகள் அனல் வீச அனல் வீச
    ஓ நெனச்சாலே செவப்பாகும் மருதாணித் தோட்டம் நீ
    தலைவைத்து நான் தூங்கும் தலகாணிக் கூச்சம் நீ
பெ: எனதிரவினில் கசிகிற நிலவொளி நீயே படர்வாயே
    நெருங்குவதாலே நொறுங்கி விடாது இருபது வருடம்
    ஓ தவறுகளாலே தொடுகிற நீயும் அழகிய மிருகம்

ஆ: ரகசிய கனவுகள் ஜல் ஜல்…..
பெ: குயிலினமே குயிலினமே எனக்கொரு சிறகு கொடு
    முகிலினமே முகிலினமே முகவரி எழுதிக் கொடு
    அவனிடமே அவனிடமே எனது கனவை அனுப்பு
குழு: இறகே இறகே … (இறகே இறகே)
   

படம்  : கிரீடம்
இசை : ஜி.வி. பிரகாஷ் (வெயில் படத்தின் இசையமைப்பாளர்)
பாடியவர்கள் : சாதனா சர்கம்
பாடல் : நா.முத்துக்குமார்

பல்லவி
======

அக்கம் பக்கம் யாருமில்லா பூலோகம் வேண்டும்
அந்திபகல் உன்னருகே நான் வாழ வேண்டும்
என் ஆசை எல்லாம் உன் நெருக்கத்திலே
என் ஆயுள்வரை உன் அணைப்பினிலே
வேறென்ன வேண்டும் உலகத்திலே
இந்த இன்பம் போதும் நெஞ்சினிலே
ஈரேழு ஜென்மம் வாழ்ந்துவிட்டேன் (அக்கம்பக்கம்)

சரணம்-1
=======

நீ பேசும் வார்த்தைகள் சேகரித்து செய்வேன் அன்பே ஓர் அகராதி
நீ தூங்கும் நேரத்தில் தூங்காமல் பார்ப்பேன் தினம் உன் தலைகோதி
காதோரத்தில் எப்போதுமே உன் மூச்சுக்காற்றின் வெப்பம் சுமப்பேன்
கையோடு தான் கைகோர்த்து நான் உன் மார்புச்சூட்டில் முகம்புதைப்பேன்
வேறென்ன வேண்டும் உலகத்திலே இந்த இன்பம் போதும் நெஞ்சினிலே
ஈரேழு ஜென்மம் வாழ்ந்துவிட்டேன்
(அக்கம் பக்கம் யாருமில்லா)

சரணம்-2
=======

நீயும் நானும் சேரும்முன்னே நிழல் ரெண்டும் ஒன்று கலக்கிறதே
நேரம் காலம் தெரியாமல் நிஜம் இன்று விண்ணில் மிதக்கிறதே
உன்னால் இன்று பெண்ணாகவே நான் பிறந்ததின் அர்த்தங்கள் அறிந்துகொண்டேன்
உன் தீண்டலில் என் தேகத்தில் புது ஜன்னல்கள் திறப்பதைத் தெரிந்துகொண்டேன்
வேறென்ன வேண்டும் உலகத்திலே இந்த இன்பம் போதும் நெஞ்சினிலே
ஈரேழு ஜென்மம் வாழ்ந்துவிட்டேன்

னானனனா னானனனா னானான னானா
லாலலலா லாலலலா லாலால லாலா